सावर रे सावर रे सावर रे उंच उंच झुला सुख मला भिवविते सांगू कसे तुला ? आता आभाळ भेटले रे अंग फुलांनी पेटले रे पहा कसे ऐकू येती श्वास माझे मला फांदी झोक्याने हालते रे वाटे स्वप्नी मी चालते रे मिटले मी माझे डोळे, हात हाती दिला जुने आधार सुटले रे तुझ्या मिठीत मिटले रे सांभाळ तू बावरल्या वेड्या तुझ्या फुला     गीत - मंगेश पाडगावकर संगीत - पं. हृदयनाथ मंगेशकर स्वर - लता मंगेशकर राग - मिश्र यमन (नादवेध)