नाहि खर्चिली कवडीदमडी, नाहि वेचला दाम विकत घेतला श्याम, बाई मी विकत घेतला श्याम ! कुणी म्हणे ही असेल चोरी, कुणा वाटते असे उधारी जन्मभरीच्या श्वासाइतुके मोजियले हरिनाम ! बाळ गुराखी यमुनेवरचा, गुलाम काळा संतांघरचा हाच तुक्याचा विठ्ठल आणि दासाचा श्रीराम ! जितुके मालक, तितुकी नावे, हृदये तितुकी, याची गावे कुणि न ओळखी तरिही याला दीन अनाथ अनाम !     गीत - ग. दि, माडगूळकर संगीत - सुधीर फडके स्वर - आशा भोसले, सुधीर फडके चित्रपट - जगाच्या पाठीवर (१९६०) राग - पहाडी, मांड (नादवेध)