जग हे बंदीशाला कुणी न येथे भलाचांगला जो तो पथ चुकलेला ! ज्याची त्याला प्यार कोठडी कोठडीतले सखे सौंगडी हातकडी की अवजड बेडी प्रिय हो ज्याची त्याला ! जो तो अपुल्या जागी जखडे नजर न धावे तटापलिकडे उंबरातले किडे-मकोडे उंबरि करिती लीला ! कुणा न ठाउक सजा किती ते कोठुन आलो ते नच स्मरते सुटके लागी मन घाबरते जो आला तो रमला !     गीत - ग. दि. माडगूळकर संगीत - सुधीर फडके स्वर - सुधीर फडके चित्रपट - जगाच्या पाठीवर (१९६०) राग - मिश्र मांड (नादवेध)