एक धागा सुखाचा, शंभर धागे दुःखाचे जरतारी हे वस्त्र माणसा, तुझिया आयुष्याचे पांघरसी जरी असला कपडा, येसी उघडा, जासी उघडा कपड्यासाठी करिसी नाटक , तीन प्रवेशांचे मुकी अंगडी बालपणाची, रंगित वसने तारुण्याची जीर्ण शाल मग उरे शेवटी, लेणे वार्धक्याचे ! या वस्त्राते विणतो कोण ? एक सारखी नसती दोन कुणा न दिसले त्रिखंडात त्या, हात विणकऱ्याचे !     गीत - ग. दि. माडगूळकर संगीत - सुधीर फडके स्वर - सुधीर फडके चित्रपट - जगाच्या पाठीवर (१९६०) राग - मिश्र शिवरंजनी (नादवेध)