जे वेड मजला लागले, तुजलाहि ते लागेल का ? माझ्या मनीची ही व्यथा कोणी तुला सांगेल का ? मी पाहतो स्वप्नी तुला, मी पाहतो जागेपणी जे मी मुकेपणि बोलतो शब्दात ते रंगेल का ? हा खेळ घटकेचा तुझा, घायाळ मी पण जाहलो जे जागले माझ्या मनी, चित्ती तुझ्या जागेल का ? माझे मनोगत मी तुला केले निवेदन आज, गे सर्वस्व मी तुज वाहिले, तुजला कधी उमगेल का ?     गीत - डॉ. वसंत अवसरे (शांता शेळके ) संगीत - वसंत पवार स्वर - आशा भोसले, सुधीर फडके चित्रपट - अवघाचि संसार (१९६०) राग - चंद्रकंस (नादवेध)