आज चांदणे उन्हात हसले तुझ्यामुळे स्वप्नाहुन जग सुंदर दिसले तुझ्यामुळे ! भाव अंतरी उमलत होते परि मनोगत मुकेच होते शब्दांतुन साकार जाहले, तुझ्यामुळे ! परोपरीचे रंग जमविले स्तब्धच होते परी कुंचले रंगांतुन त्या चित्र रंगले, तुझ्यामुळे ! करात माझ्या होती वीणा आली नव्हती जाग सुरांना तारांतुन झंकार उमटले, तुझ्यामुळे ! हृदयमंदिरी होती मूर्ती तिमिरि परंतु होता भवती आज मंदिरी दीप तेवले, तुझ्यामुळे !     गीत - शांता शेळके संगीत - सुधीर फडके स्वर - आशा भोसले, सुधीर फडके चित्रपट - कलंकशोभा (१९६१)