एकतारिसंगे एकरूप झालो आम्ही विठ्ठलाच्या भजनात न्हालो गळा माळ शोभे आत्मरूप शांती भक्तिभाव दोन्ही धरू टाळ हाती टिळा विरक्तीचा कपाळास ल्यालो भूक भाकरीची, छाया झोपडीची निवा-यास घ्यावी उब गोधडीची माया-मोह सारे उगाळून प्यालो पूर्व पुण्य ज्याचे, मिळे सुख त्याला कुणी राव होई, कुणी रंक झाला मागणे न काही सांगण्यास आलो     गीत - जगदीश खेबूडकर संगीत - सुधीर फडके स्वर - सुधीर फडके चित्रपट - बाजिरावाचा बेटा (१९७१) राग - यमनकल्याण (नादवेध)