बाळ गुणी तू कर अंगाई जोजविते रे, तुजला आई ! तुझा चंदनी लाल पाळणा जाईजुईचा मऊ बिछाना झुलती वरती राघूमैना मागेपुढती झोका जाई बाळ गुणी तू कर अंगाई ! निजले तारे, निजले वारे शांत झोपली रानपाखरे जग भवती निजले सारे चंद्रहि करतो गाई गाई बाळ गुणी तू कर अंगाई ! मंद पाउली येते रजनी शिणले डोळे जागजागुनी अजुन मिटेना कशी पापणी ? निज, लडिवाळा, निज लवलाही बाळ गुणी तू कर अंगाई !     गीत - शांता शेळके संगीत - राम कदम स्वर - सुमन कल्याणपूर, सुधीर फडके चित्रपट - भाग्यलक्ष्मी (१९६२)