नसे राऊळी वा नसे मंदिरी जिथे राबती हात तेथे हरी ! जिथे भूमिचा पुत्र गाळील घाम तिथे अन्न होऊनि ठाकेल शाम दिसे सावळे रूप त्याचे शिवारी ! नको मंत्र त्याला मुनिब्राम्हणांचे तया आवडे गीत श्वासां-घणांचे वसे तो सदा स्वेद गंगेकिनारी ! शिळा फोडिती संघ पाथरवटांचे कुणी कापसा रूप देती पटांचे तयांच्या घरी नांदतो तो मुरारी ! जिथे काम तेथे उभा शाम आहे नव्हे धर्म रे घर्म ते रूप पाहे असे विश्वकर्मा श्रमांचा पुजारी !     गीत - ग. दि. माडगूळ्कर संगीत - सुधीर फडके स्वर - सुधीर फडके चित्रपट - उमज पडेल तर (१९६०)