बिजलीचा टाळ नभाचा मृदंग तुझ्या कीर्तनाला देवा धरती होई दंग थरथरावा कधी रे वादळचा वेल भक्तीभाव वा-यावरी मधूर झुलेल तरंगतो अंतराळी भावपूर्ण ढंग दीपराग गाउनिया सदा चंद्र-सूर्य सृष्टी मफिलीत खुलवी सुरम्य सौंदर्य झळकती नादांतरी निखळ सप्तरंग निशीदिनी नित्यनेमे चाले संकीर्तन किरणांच्या आरतीने सतेज वंदन मांगल्यात ऋतुऋतूंचे मोहरले अंग     गीत - गंगाधर महांबरे संगीत - मुकुंद गद्रे स्वर - पं. भीमसेन जोशी राग - भीमपलास, नटभैरव व इतर