Манай веб сайтын хүндэт зочин ноёд хатагтай нар аа
Шинжлэх ухаан, технологийн дэвшил, оюуны хөгжлийн ХХI зуунд мэдлэгт суурилсан үндэсний төгөлдөршлийн тогтолцоог буй болгох замаар улс орны үсрэнгүй хөгжлийг хангах зорилтыг төрөөс дэвшүүлж байгаа билээ.
Эл зорилтыг эрхэмлэн, Бид боловсролын тогтолцоог олон улсын нийтлэг жишигт нийцүүлэн төгөлдөршүүлэх, улс орны хэрэгцээ, хувь хүний сонирхолыг дэмжин, орон зай , цаг хугацаанаас үл хамаарах, үндэстэн дамнасан боловсролын бодлогыг хэрэгжүүлэхийг эрмэлзэж байна.
Шинжлэх ухаан, технологийг 2020 он хүртэл хөгжүүлэх мастер төлөвлөгөө, үндэсний инновацийн тогтолцоог хөгжүүлэх хөтөлбөрийн хэрэгжилтийг хангахад Яамны бодлого, үйл ажиллагаа чиглэгдэх болно.
Соёл, урлагийн талаар төрөөс баримтлах бодлогыг шинэ Монгол хүнээ хөгжүүлэх агуулгаар баяжуулан хэрэгжүүлэхэд, эрх зүйн орчинг боловсронгуй болгож, дунд хугацааны стратегийн төлөвлөгөө боловсруулж, үр дүнд хүргэхэд гол анхаарлаа төвлөрүүлж байна.
БСШУЯ “Цахим Монгол” хөтөлбөрийг хэрэгжүүлэхэд тэргүүлэх үүрэгтэй байж, үүнд иргэдийн оролцоог өргөжүүлэх, нээлттэй, ил тод, бодитой байх зарчмыг баримталж, “Цахим Яам” болох зорилттой ажиллах болно. Энэхүү зорилтыг хэрэгжүүлэхэд Эрхэм зочин Таны дэмжлэг, чин сэтгэл, үнэт санал, зөвлөгөө юу юунаас чухал юм.
Эрхэм Та манай Веб сайтын байнгын зочин төдийгүй бидний түнш, дотны зөвлөх гэдгийг хэлэхэд таатай байна.
Та бидний хамтын ажиллагаа харилцан тустай, үр өгөөжтэй байх болтугай.
Таныг хүндэтгэсэн,
МОНГОЛ УЛСЫН ЗАСГИЙН
ГАЗРЫН ГИШҮҮН, БОЛОВСРОЛ,
СОЁЛ, ШИНЖЛЭХ УХААНЫ САЙД
|
|
Ё. ОТГОНБАЯР
|
|