Зорилго
Энэхүү уралдаан нь өсвөр үеийнхний улам бүр өсөн нэмэгдэж буй мэдээллийн технологийн сонирхол, чадварыг нь нэмэгдүүлж хөгжүүлэх, мэдээлэл, харилцаа холбоо технологийн салбарын ирээдүй хойч үеийг бэлтгэхэд дэмжлэг болох зорилготой.

Зохион байгуулалт
Уралдаанд оролцогчид тавигдах шаардлага:
1. Веб дизайн болон хөгжүүлэлтийн талаар анхан шатны мэдлэгтэй байх.
2. 2009 оны 2 сарын 13-ны байдлаар 19 нас хүрээгүй нийслэлийн төрийн болон төрийн бус ЕБСургуулийн сурагч байх.
3. Уралдаанд оролцох веб хуудсаа тэмдэглүүлэх. Зорилго, ашиглах технологи, мэдээлэл гэх мэт

Цахим хуудсанд тавигдах шаардлага:
4. Тухайн оролцогч өөрөө хийсэн байх. Ямар нэгэн web template, чөлөөт эхийг ашиглахгүй байх бусдаар хийлгээгүй байх шаардлагатай.
5. Зохиогчийн эрх болон оюуны хулгайн талаар хууль болон холбогдох дүрэм журмыг зөрчөөгүй байх. Веб хуудасны мэдээллийн эх сурвалжийг тэмдэглэсэн байх шаардлагатай.
6. Аливаа байгууллагын талаар сурталчилгааны материал агуулаагүй байх. Ямар нэгэн байгууллага, аж ахуйн нэгжийн талаар буюу ямар нэг бүтээгдэхүүн үйлчилгээний талаар сурталчилгааны материал агуулаагүй байх шаардлагатай.
7. Олон нийтэд зохимжгүй материал агуулаагүй байх. “Зохимжгүй материал” гэдэгт дараах зүйлсийг ойлгоно.
    • Дайрч доромжилсон, зохисгүй үг хэллэг хэрэглэсэн, хувь хүн буюу олон нийтэд заналхийлсэн, арьс өнгө, хүйс, шашин шүтлэг зэргээр ялгаварласан, хэт үндэсний үзлийг дэлгэрүүлсэн зэрэг олон нийтэд зохимжгүй бүдүүлэг, бусдыг дорд үзсэн материал
   • Архи, тамхи, садар самуун болон хуулиар хориглосон бусад зүйлсийг сурталчилсан болон агуулсан материалууд
8. Хэл. Тухайн веб хуудас нь монгол хэл дээр бүтээгдсэн байх бөгөөд олон хэлний сонголттой байж болно. Хэлний нэмэлт боломжуудыг агуулсан веб нь илүү оноо авах магадлалтай.

Шүүгчдийн бүрэлдэхүүн
9. Шалгаруулалтыг 5 хүнтэй шүүгчдийн бүрэлдэхүүнтэй баг тодорхой шалгуурын дагуу шалгаруулж дүгнэнэ.
10. Шүүгчдийн багийг МШХХТГазраас байгуулна.
11. Шүүгчдийн бүрэлдэхүүн нь шалгуур үзүүлэлтийг эцэслэн батална.
12. Шүүгчид шалгуур үзүүлэлтүүдийн дагуу нийт оролцогчдын ирүүлсэн бүтээлүүдээс I байранд нэг (өргөмжлөл 150.000 төгрөгийн хамт), II байранд 2 (өргөмжлөл 100.000 төгрөгийн хамт), III байранд 2 (өргөмжлөл 50.000 төгрөгийн хамт) сурагчийг тодруулж шагналыг гардуулна.

Хугацаа
13. Бүртгэлийг 2 сарын 1-ээс эхлэн 2 сарын 13-г дуустал үргэлжилнэ. Уралдаанд оролцогч нь бүртгүүлэхдээ өөрийн хийх веб хуудсыг тэмдэглүүлнэ.
14. Уралдаанд оролцогчид 3-р сарын 7-оос өмнө  хийсэн вебээ шүүгчдийн багт хүлээлгэн өгнө.
15. Шалгаруулалтыг 3 сарын 14-нд шалгаруулж дууссан байх бөгөөд шагналыг 3 сарын 18-нд гардуулна.

Бусад
16. Шүүгчид болон зохион байгуулагчдын зүгээс тухайн оролцогчын хувийн сахилга бат, зохион байгуулалтын асуудал болох уралдаанд оролцох веб хуудсаа санамсаргүйгээр устгах, алдах, дутуу хэлбэрээр өгөх буюу техникийн нөхцөл байдлаас шалтгаалсан эвдрэл гэмтэл зэрэг асуудлыг хариуцахгүй болно.

           Өнөөдөр 10.00 цагт Нээлттэй нийгэм форумын байранд “Мэдээлэл,шуудан, харилцаа, холбоо технологийн салбар-2009: Хямралтыг гэтлэх арга зам” сэдэвт дугуй ширээний уулзалт, ярилцлага боллоо. Уулзалтад энэ салбарт үйл ажиллагаа явуулдаг томоохон компаниуд оролцлоо. Тухайлбал, “Мобиком”, “Рэйлком”, “Скайнет” зэрэг компаниудын захирал, төлөөлөгчид оролцсон юм. Үндсэн хоёр илтгэлийг Мэдээлэл, шуудан, харилцаа, холбоо технологийн газрын дарга Ж.Сансар, Харилцаа холбооны зохицуулах хорооны Үнэ тарифын албаны дарга н.Мөнхбат нар тавьсан.

         Дугуй ширээний уулзалтаар мэдээлэл, харилцаа холбооны салбарыг түшиглэн хямралаас гаръя гэсэн саналыг гаргах хүн байсан. Учир нь энэ салбар өдгөө хямраагүй, харин Монгол Улс эдийн засгийн хямралаас гарахад энэ салбар чухал үүрэг гүйцэтгэнэ гэсэн санаа байв. Тухайлбал, онлайн худалдааг хөгжүүлснээр иргэдийн эдийн засгийг хэмнэнэ, шуудай гурил авах гэж өчнөөн литр бензин үрэхгүй болно. Иргэдийн мэдлэг боловсролд анхаарч интернет хэрэглээг нэмэгдүүлбэл илүү зардлаа хэмнэж болно. Энэ мэтээр мэдээлэл, харилцаа холбоог түшиглэн эдийн засгийн хэмнэлт гаргаж болно хэмээн салбарын бизнес эрхлэгчид үзэж байна. Юутай ч дээрх салбарын компаниуд дэлхий нийтийг хамарсан санхүү, эдийн засгийн хямралтай энэ үед хөрөнгө оруулалтаа багасгахгүй, ажлын байр хорогдуулахгүй, хэрэглэгчдэд хямд шинэ үйлчилгээ нэвтрүүлж, тэдэнд үйлчлэх үнээ нэмэхгүй байх тухайгаа мэдэгдэж байна.