Telavågtragedien
Telavåg
spelte ei sentral rolle i flyktninge- og agenttrafikken
under krigen. Tidleg om morgonen den 26. april 1942
slo Gestapo til mot to norske agentar som hadde kome
frå Shetland til Telavåg. Dei skulle vidare
på spesialoppdrag til andre stader i Norge. I
kampen som følgde vart den eine agenten, Arne
Værum, og to høgareståande Gestapo-offiserar,
Gerhard Berns og Henry Bertram, skotne og drepne.
I represaliane som følgde vart alle hus sprengde
og brende, husdyr vart førde bort og båtane
senka eller tekne. Alle menn mellom 16 og 60 år
vart arresterte og sende vidare til Sachsenhausen konsentrasjonsleir
utanfor Berlin. Seinare vart nokre sendt vidare til
Neuengamme og andre til Natzweiler. Av 72 telavågingar
døydde 31 i tysk fangenskap. Kvinner, born og
eldre vart internerte og haldne som fangar på
Storetveit skole i Fana og på Framnes i Hardanger
fram til 17. mai 1944. Den yngste var 12 veker, den
eldste var 94 år.
På
Trandum vart 18 unge englandsfararar avretta som represaliar
for tapet av dei to tyske offiserane. Hausten 1943 vart
også motstandsmannen som overlevde skyte-episoden
i Telavåg,Emil G. Hvval, avretta på Trandum
saman med den eldste sonen i huset i Telavåg der
han fekk husrom.
Dei tragiske hendingane i 1942 har gjeve Telavåg
ein særmerkt plass i norsk okkupasjonshistorie,
og vi må utanfor landegrensene for å finne
parallellar, som til dømes Lidice i Tsjekkia
og Oradour- sur- Glane i Frankrike, sjølv om
represaliane i desse to byane var enda hardare.
Utstillinga
Sjølve utstillinga er basert på bilete,
tekst, modellar og ein del gjenstandar. Dei siste er
det relativt få av, noko som understrekar kor
altomfattande øydeleggingane var.
|
Sachsenhausen konsentrasjonsleir utanfor Berlin
|
|
Utstillinga i museet
|
|
Gestapo gjekk til aksjon mot
to norske agentar som hadde kome frå Shetland
til Telavåg.
|
|
Modell frå skytedramaet
i Telavåg, 26.04.1942.
|
|