Absa gaan appèl aanteken teen 'n beslissing van die Pretoriase hooggeregshof oor die verhandeling van silosertifikate. 
Die wettigheid van Zimbabwe se beslaglegging van wit boere se plase gaan binnekort deur die regsbank van die Suider-Afrikaanse Ontwikkelingsgemeenskap bekyk word. 
Die Regering se biobrandstofstrategie gaan niemand aanmoedig om in die bedryf te belê nie, meen kenners in die bedryf. 
Ná 'n hofsaak van drie jaar is beslis dat die bankreus Absa meer as 50 graanboere se silosertifikate onregmatig verhandel het. 
Die bekende Nigeriese prediker, T.B. Joshua, is onderweg na Suid-Afrika vir 'n buitengewone ontmoeting met die land se boeregemeenskap en landbou-sakelui. 
Die landbousektor moet aandag aan verskeie uitdagings en tekortkominge gee om die doelwitte van breë gebaseerde swart ekonomiese bemagtiging ten volle te kan bereik. 
Kaapse koringboere kan weer asemhaal ná vier seisoene van droogte, klein oeste, lae pryse en in sommige jare 'n inkomsteverlagende samestelling daarvan.
Beleggers van buite die landbou is besig om kennis te neem van winsgewende beleggingsmoontlikhede by landbou-ondernemings. Dit lei tot stygings in die aandeelpryse van dié maatskappye.
Die Suid-Afrikaanse Brouerye (SAB) het in 2007 gemiddeld R1 850 per ton vir Suid-Kaapse
moutgars betaal - minder as 50% van die prys van goeie ingevoerde moutgars.
'n Nuwe konsepstrategie vir landelike beveiliging word deur die SAPD ontwikkel nadat dit duidelik geword het dat die beloofde sektorpolisiëring nie na behore aan die gang kom nie. 
Die ontwikkeling en verbetering van nuwe gewasse word ingesluit in 'n nuwe navorsingsplan wat pas deur die Departement van Wetenskap en Tegnologie op die been gebring is. 
Skok is in vleiskringe uitgespreek oor die besluit van die eienaars van die Oostelike Provinsie Lewende Hawe Agentskap om 'n groot slagplaas se deure in 2008 te sluit. 
Die Appelraad het deur 'n eenparige besluit Piquanté Brands International (Edms) Bpk se planttelersregte op die Piquanté-variëteit; gehandhaaf.
Die SA Draadvereniging (SAWA) sê swak gehalte gegalvaniseerde draad word deur opportuniste ingevoer en teen lae pryse aan niksvermoedende mense verkoop. 
Die deur vir die gebruik van mielies in bio-etanol is nie heeltemal toegemaak nie. 
'n Kagiso-filiaal, Kagiso Enterprises Rural Private Equity Fund, het pas 'n aandeel van 4% in die suksesvolle voedselmaatskappy Country Foods bekom.
Hoewel die voorspelling nog nie bewaarheid is dat lamstjops teen Desember vir 'n yslike R100/kg gaan verkoop nie, kan dit teen Kersfees wel baie naby aan dié vlak kom. 
Navorsing wat in verskeie Afrikalande gedoen word toon dat sekere inheemse plante bestanddele bevat wat as natuurlike plaagdoders en bemestingstowwe gebruik kan word. 
Die Land Bank se internasionale kredietgradering is pas met 'n kerf verhoog. Op die oog af kan dit lyk asof vertroue in die bank toeneem. 
Uitgeputte grond en ongetemde waterbronne belemmer die toename in landbouproduksie in Afrika suid van die Sahara. 
|
Hierdie week in LBW
- Goeie nuus oor ammunisie - Plaas fnuik droogte - Graanboere wen teen bank - Zambië: Land van melk en heuning - Safex wysig koringreëls - Wins wink by wyn, graan en vrugte - Resepte: Oor die kole |
