Soneto 60a






Al bord' rulŝtona flusas ond-post-onde, 
Marŝaŭme niaj horoj strebas limen; 
La ĵusa kun pasinta ciklas ronde 
En pena ĉen' antaŭen malproksimen. 
Akuŝo en lumfask' de vivaŭroro 
Mallerte rampas al maturo pinta; 
Eklipsoj krozas kontraŭ ĝia gloro 
Kaj velkodona iĝas Temp' kreinta; 
Junecon flirtan Tempo tuj amputas 
Kaj plugas sulkojn tra trajtar' anĝela; 
Valoran doton de natur' ĝi glutas, 
Prepare por falĉisto, la kruela. 
Per vortoj varmaj vin versado mia 
Protektu kontraŭ ties man' glacia.


                  ŜEKSPIRO Vilhelmo 
                  Tradukita de PEJNO Simono